 |
| we should give importance to dogs coz they are the bestfriends that we can have. next to God. |
Asong Kalye
by Winlove P. Tulibas
Ilalom sa sakyanan ug kilid sa dalan
Sila murag way padulngan
Igsoon sila kung buot huna-hunaon,
Pero nganong nasaag ni sila,
Walay balay, gigutom
Ug sigeg panimhot sa kilid kilid.
Naglibog ko ngano…
Mga buotang higala man unta ni sila
Apan murag walay padulngan sa kinabuhi
Ug ang nakalain,ginadakop sila na way sala.
Kung buot huna-hunaon,
Mura ni sila ug igsoon
Masultian sa mga problema, bisag dili mutubag,
Kabalo ka na kampi sila sa imuha.
Mura pod ni sila ug ikog,
Nagasunod sa imo kay ikaw man ang ilang giila.
Dili lang unta pasagdan
Sila na mawala sa atoa,
Kay kini gamay man na problema para sa uban,
Kamingaw ug kasakit man pud ang mabati kung mawala ka sa ila.
Walang komento:
Mag-post ng isang Komento